കെന്റ് അയ്യപ്പ ക്ഷേത്രത്തിൽ കർക്കിടകവാവ് ബലി തർപ്പണ ചടങ്ങ് ജൂലൈ 24ന്

കെന്റ്: യുകെയിലെ കെന്റ് അയ്യപ്പ ക്ഷേത്രത്തിന്റെ ആഭിമുഖ്യത്തിൽ 1200-ാം കർക്കിടകമാസം 8-ന് (2025 ജൂലൈ 24) റോച്ചെസ്റ്ററിലെ ചരിത്രപ്രസിദ്ധമായ മെഡ്‌വേ നദിയുടെ പവിത്ര തീരത്ത് കർക്കിടകവാവ് ബലി തർപ്പണ ചടങ്ങ് നടത്തപ്പെടും. രാവിലെ 11:30 മുതൽ ആരംഭിക്കുന്ന ഈ ചടങ്ങ് ക്ഷേത്ര മേൽശാന്തി ശ്രീ. അഭിജിത്തിന്റെ മുഖ്യ കാർമികത്വത്തിൽ പരമ്പരാഗത രീതിയിൽ നടക്കും. ആചാരപരവും ആത്മീയവുമായ പ്രാധാന്യം നിറഞ്ഞ ഈ ചടങ്ങിൽ ഭക്തജനങ്ങൾക്ക് പിതൃതർപ്പണം, തിലഹവനം തുടങ്ങിയ വഴിപാടുകൾ നടത്താനുള്ള സൗകര്യവും ഉണ്ടാകും.

പൂജാരി വടക്കേവെളിയില്ലം ശ്രീ. വിഷ്ണുരവി തിരുമേനിയുടെ വകാർമികത്വത്തിൽ തിലഹവനം നടത്തപ്പെടും. ചടങ്ങിന് ശേഷം ഭക്തർക്ക് കെന്റ് അയ്യപ്പ ക്ഷേത്രത്തിൽ ദർശനം നടത്താനും വിവിധ വഴിപാടുകൾ അർപ്പിക്കാനും അവസരം ലഭിക്കും. മെഡ്‌വേ നദിയുടെ വിശുദ്ധ തീരത്ത് നടക്കുന്ന ഈ ചടങ്ങ് ഭക്തജനങ്ങൾക്ക് ആത്മീയ ശാന്തിയും പിതൃസ്മരണയും നൽകുന്ന ഒരു അനുഷ്ഠാനമാണ്.

അതേ ദിവസം, പൂജാരി താഴൂർ മന ശ്രീ. ഹരിനാരായണൻ തിരുമേനിയുടെ മേൽനോട്ടത്തിൽ ക്ഷേത്രത്തിൽ പ്രത്യേക പൂജകൾ നിർവഹിക്കപ്പെടും. പരമ്പരാഗത ആചാരങ്ങൾ പാലിച്ച് നടത്തപ്പെടുന്ന ഈ പൂജകൾ ഭക്തർക്ക് ദിവ്യമായ അനുഭവം പ്രദാനം ചെയ്യും. കർക്കിടകവാവിന്റെ ആത്മീയ പ്രാധാന്യത്തോടെ, ഭക്തജനങ്ങൾക്ക് പിതൃപൂജയിലൂടെ തങ്ങളുടെ പൂർവ്വികരെ സ്മരിക്കാനും ആദരിക്കാനും ഈ ചടങ്ങ് അവസരമൊരുക്കും.

കെന്റ് അയ്യപ്പ ക്ഷേത്രത്തിന്റെ ഈ വാർഷിക ചടങ്ങിൽ പങ്കെടുക്കാൻ യുകെയിലെ വിവിധ ഭാഗങ്ങളിൽ നിന്നുള്ള ഭക്തർ എത്തിച്ചേരും. മെഡ്‌വേ നദിയുടെ പവിത്രതയും ക്ഷേത്രത്തിന്റെ ആത്മീയ അന്തരീക്ഷവും ചേർന്ന് ഈ ദിനം ഭക്തജനങ്ങൾക്ക് അവിസ്മരണീയമായ അനുഭവമാകും. ചടങ്ങുകളിൽ പങ്കെടുക്കാൻ ആഗ്രഹിക്കുന്നവർ കൂടുതൽ വിവരങ്ങൾക്കായി ക്ഷേത്രവുമായി ബന്ധപ്പെടാവുന്നതാണ്

രെജിസ്ട്രേഷൻ ലിങ്ക് (Pithru Tharpanam) ഇവിടെ ക്ലിക്ക് ചെയ്യുക .

English Summary: The Kent Ayyappa Temple will hold the Karkidaka Vavu Bali Tharpanam ceremony on July 24, 2025, at the sacred banks of River Medway in Rochester, led by temple priests with traditional rituals and offerings.