ലണ്ടൻ ഗുരുവായൂർ ക്ഷേത്ര സാക്ഷാത്കാരത്തിനായി മീനഭരണി മഹോത്സവം

ലണ്ടൻ : ഗുരുവായൂർ ക്ഷേത്രം സ്ഥാപിക്കാനുള്ള ശ്രമത്തിന്റെ ഭാഗമായി ലണ്ടൻ ഹിന്ദു ഐക്യ വേദിയും മോഹൻജി ഫൗണ്ടേഷനും സംയുക്തമായി മീനഭരണി മഹോത്സവം സംഘടിപ്പിക്കുന്നു. മാർച്ച് 29, ശനിയാഴ്ച വൈകിട്ട് 6 മുതൽ ലണ്ടനിലെ ക്രോയ്‌ഡോണിലുള്ള വെസ്റ്റ് തോണ്ടാൻ കമ്മ്യൂണിറ്റി സെന്ററിൽ വച്ചാണ് ചടങ്ങുകൾ നടക്കുക. ദേവി ഉപാസന, മഹിഷാസുര മർദിനി സ്തോത്രാലാപനം, നാമജപം, ദീപാരാധന, അന്നദാനം എന്നിവ ഉൾപ്പെടുന്നതാണ് പരിപാടി.

ജാതി-മത ഭേദമില്ലാതെ എല്ലാവർക്കും പങ്കെടുക്കാമെന്ന് സംഘാടകർ അറിയിച്ചു. ഈ ആത്മീയ സംരംഭം യുകെയിലെ മലയാളി സമൂഹത്തിന് ഒരു ഗുരുവായൂർ ക്ഷേത്രം എന്ന സ്വപ്നത്തിലേക്കുള്ള ചുവടുവയ്പ്പാണ്.