ഫറാജിന്റെ £5 മില്യൺ സമ്മാനം അറിഞ്ഞിരുന്നെങ്കിൽ കൂടിക്കാഴ്ച മാറ്റിയേനെന്ന് ബാങ്ക് ഓഫ് ഇംഗ്ലണ്ട് ഗവർണർ

ലണ്ടൻ : റിഫോം യുകെ നേതാവ് നൈജൽ ഫറാജുമായി നടത്തിയ കൂടിക്കാഴ്ചയ്ക്കുമുമ്പ് അദ്ദേഹത്തിന് ലഭിച്ച £5 മില്യൺ സമ്മാനത്തെക്കുറിച്ച് അന്വേഷണം നടക്കുന്നതായി അറിയാമായിരുന്നെങ്കിൽ കൂടിക്കാഴ്ച മാറ്റിവയ്ക്കുന്നത് പരിഗണിച്ചേനെന്ന് ബാങ്ക് ഓഫ് ഇംഗ്ലണ്ട് ഗവർണർ ആൻഡ്രൂ ബെയ്ലി പറഞ്ഞു. ക്രിപ്റ്റോകറൻസി നിയന്ത്രണങ്ങൾ ചർച്ച ചെയ്യാനായിരുന്നു കഴിഞ്ഞ സെപ്റ്റംബറിലെ കൂടിക്കാഴ്ച.

സർക്കാർ പിന്തുണയുള്ള ഡിജിറ്റൽ കറൻസി പദ്ധതി ഉപേക്ഷിക്കണമെന്നും വ്യക്തികൾക്ക് കൈവശം വെക്കാവുന്ന സ്റ്റേബിൾകോയിനുകളുടെ പരിധി നീക്കണമെന്നും ഫറാജ് ആവശ്യപ്പെട്ടതായി റിപ്പോർട്ടുണ്ട്. പിന്നീട് വ്യക്തിഗത പരിധി ബാങ്ക് ഉപേക്ഷിച്ചെങ്കിലും അത് രാഷ്ട്രീയ സമ്മർദഫലമല്ലെന്നും പ്രായോഗിക കാരണങ്ങളാലാണെന്നും ബെയ്ലി വ്യക്തമാക്കി.

ഫറാജ് പാർലമെന്ററി ചട്ടങ്ങൾ ലംഘിച്ച് ബാങ്കിനെ സ്വാധീനിക്കാൻ ശ്രമിച്ചോയെന്ന കാര്യത്തിൽ സ്റ്റാൻഡേർഡ്സ് കമ്മീഷണറിന് പരാതി നൽകിയിട്ടുണ്ട്. എന്നാൽ രാഷ്ട്രീയ നേതാക്കളുമായി കൂടിക്കാഴ്ച നടത്തുന്ന രീതിയിൽ മാറ്റമില്ലെന്നും എല്ലാ പാർട്ടി നേതാക്കളോടും പക്ഷപാതമില്ലാതെ സമീപിക്കേണ്ടത് ബാങ്കിന്റെ ഉത്തരവാദിത്തമാണെന്നും ബെയ്ലി പറഞ്ഞു.

English Summary: Andrew Bailey says he may have delayed meeting Nigel Farage had he known of the £5m gift inquiry.