70 കഴിഞ്ഞ ഡ്രൈവർമാർക്ക് പുതിയ പരിശോധന കൊണ്ടുവരാൻ ബ്രിട്ടീഷ് സർക്കാർ; ലക്ഷ്യം റോഡ് സുരക്ഷ
The UK government is considering introducing mandatory eyesight and cognitive tests for drivers over 70 under a new road safety strategy aimed at reducing road casualties. PNG
ലണ്ടൻ : യുകെയിൽ 70 വയസ്സിന് മുകളിലുള്ള ഡ്രൈവർമാർക്കായി പുതിയ പരിശോധനകൾ ഏർപ്പെടുത്താൻ പ്രധാനമന്ത്രി ആൻഡി ബർൺഹാമിന്റെ നേതൃത്വത്തിലുള്ള ലേബർ സർക്കാർ ആലോചിക്കുന്നു. റോഡ് സുരക്ഷാ നയത്തിന്റെ (റോഡ് സേഫ്റ്റി സ്ട്രാറ്റജി) ഭാഗമായി മുതിർന്ന പൗരന്മാർക്ക് നിർബന്ധിത കാഴ്ചപരിശോധനയ്ക്ക് പുറമെ ചിന്താശേഷിയും ഓർമശക്തിയും അളക്കുന്ന 'കോഗ്നിറ്റീവ്' പരിശോധനകൾ ഏർപ്പെടുത്താനുള്ള സാധ്യതകളാണ് സർക്കാർ തേടുന്നത്. മുതിർന്നവരുടെ സ്വതന്ത്രമായ സഞ്ചാരസ്വാതന്ത്ര്യത്തെ തടസ്സപ്പെടുത്താതെ തന്നെ റോഡപകടങ്ങളും മരണങ്ങളും കുറയ്ക്കുകയാണ് ഈ നീക്കത്തിന്റെ ലക്ഷ്യം.
റോഡരികിൽ പോലീസ് നടത്തുന്ന പരിശോധനകളിൽ കാഴ്ചപരിശോധനയിൽ പരാജയപ്പെടുന്ന ഡ്രൈവർമാരുടെ ലൈസൻസ് ഡി.വി.എൽ.എ (ഡ്രൈവർ ആൻഡ് വെഹിക്കിൾ ലൈസൻസിംഗ് ഏജൻസി) റദ്ദാക്കുമെന്നും ഇതിനായി പോലീസുമായി ചേർന്ന് കർശന നടപടികൾ സ്വീകരിക്കുമെന്നും സർക്കാർ വ്യക്തമാക്കിയിട്ടുണ്ട്. ഡ്രൈവിംഗിന് തടസ്സമാകുന്ന ആരോഗ്യപ്രശ്നങ്ങളുള്ള രോഗികളെക്കുറിച്ച് വിവരം നൽകാൻ ഡോക്ടർമാർ അടക്കമുള്ള ആരോഗ്യ പ്രവർത്തകരോടും ആവശ്യപ്പെടും. രാജ്യത്ത് 70 വയസ്സിന് മുകളിലുള്ള ഡ്രൈവർമാർ ഉൾപ്പെട്ട ഗുരുതരമായ റോഡപകടങ്ങൾ വർധിച്ചുവരുന്നതായി ഗതാഗത വകുപ്പിന്റെ കണക്കുകൾ വ്യക്തമാക്കുന്ന പശ്ചാത്തലത്തിലാണ് ഈ പരിഷ്കാരം.
