റെഡ്ഡിച്ചിലെ ഓണാഘോഷം മലയാളികളുടെ സൗഹൃദത്തിന്റെയും സംസ്കാരത്തിന്റെയും മഹോത്സവമായി
ലണ്ടൻ: റെഡ്ഡിച്ചിലെ മലയാളി കുടുംബങ്ങളുടെ കൂട്ടായ്മയായ RMF സംഘടിപ്പിച്ച ഓണ നിലവ് 2025 സെപ്റ്റംബർ 6-ന് വുഡ്‌റോ ഹാൾ, റെഡ്ഡിച്ചിൽ രാവിലെ 10 മുതൽ വൈകിട്ട് 7 വരെ ഭംഗിയായി നടന്നു. മെഗാ തിരുവാതിര, വിവിധ കലാപരിപാടികൾ, ഗ്രാൻഡ് ഓണസദ്യ തുടങ്ങിയവയോടെ ആഘോഷം നിറഞ്ഞു, മലയാളികളുടെ ഐക്യവും പാരമ്പര്യവും വിളിച്ചോതി.
മെഗാ തിരുവാതിരയുടെ മനോഹരമായ നൃത്താവിഷ്കാരങ്ങൾ പ്രേക്ഷകരെ ആകർഷിച്ചു. ഡിജെ ജിൻ ബീറ്റ്സിന്റെ സംഗീതവും മത്സരങ്ങളും വേദിയെ ആവേശകരമാക്കി. ഓസ്ട്രേലിയയിലേക്ക് പോകുന്ന അലക്സ്, സുജേഷ് കുടുംബങ്ങൾക്ക് ഒരുക്കിയ വിടപറച്ചിൽ ചടങ്ങ് ഹൃദയസ്പർശിയായ നിമിഷങ്ങളായി മാറി.
പ്രധാനാതിഥികളായി റെഡ്ഡിച്ച് എംപി ക്രിസ് ബ്ലൂറും കൗൺസിലർമാരായ ജുമാ ബീഗം, ബിൽ ഹാർട്ട്നെറ്റ്, ജെൻ സ്നേപ്പും പങ്കെടുത്തു. അവരുടെ സാന്നിധ്യം മലയാളി സമൂഹത്തിന് വലിയ പ്രോത്സാഹനമായി.
ഓണ നിലവ് 2025, മലയാളികളുടെ സൗഹൃദത്തിന്റെയും സംസ്കാരത്തിന്റെയും പ്രതീകമായി മാറിയതായി സംഘാടകർ അറിയിച്ചു. ചടങ്ങിന് സ്പോൺസർഷിപ്പ് നൽകിയിരിക്കുന്നത് ഫോക്കസ് ഫിനാൻസ് ലിമിറ്റഡാണ്.
