കോട്ടയം ഡിസ്ട്രിക്ട് പ്രവാസി അസോസിയേഷൻ കുവൈത്ത് വനിതാ വേദി ഇഫ്താർ സംഗമം വിപുലമായി നടത്തി

കുവൈത്ത് സിറ്റി: കോട്ടയം ഡിസ്ട്രിക്ട് പ്രവാസി അസോസിയേഷൻ കുവൈത്ത് (കോഡ്പാക്) വനിതാ വേദിയുടെ ആഭിമുഖ്യത്തിൽ 2025 മാർച്ച് 21 വെള്ളിയാഴ്ച വൈകുന്നേരം 5 മണിക്ക് കബ്ദ് മേഖലയിൽ നടത്തിയ ഇഫ്താർ സംഗമവും ഭക്ഷണം  വിതരണവും വിപുലമായി സംഘടിപ്പിച്ചു.

പരിപാടിയിൽ വനിതാ ചെയർ പേഴ്സൺ ശ്രീമതി സോണൽ ബിനു അധ്യക്ഷത വഹിച്ചു. ജോയിന്റ് ചെയർപേഴ്സൺ ശ്രീമതി ഷിഫ ഷെജിൻ സ്വാഗത പ്രസംഗം നടത്തി. കോട്ടയം ഡിസ്ട്രിക്ട് പ്രവാസി അസോസിയേഷൻ കുവൈത്ത് പ്രസിഡന്റ് ശ്രീ. നിജിൻ മൂലയിൽ പരിപാടി ഉദ്ഘാടനം ചെയ്തു. തുടർന്ന് ജനറൽ സെക്രട്ടറി ശ്രീ. ജിത്തു തോമസ്, ട്രഷറർ ശ്രീ. സുബിൻ ജോർജ്, പാട്രൺ ശ്രീ. അനൂപ് സോമൻ, അഡ്വൈസറി ബോർഡ് അംഗം ശ്രീമതി സെനി നിജിൻ എന്നിവർ ആശംസാ പ്രസംഗങ്ങൾ നടത്തി. ജോയിന്റ് ചെയർപേഴ്സൺ ശ്രീമതി ബീന വർഗീസിന്റെ നന്ദി പ്രസംഗത്തോടെ സമ്മേളനം സമാപിച്ചു.

അഡ്വസറി ബോർഡ് അംഗങ്ങളായ സുമേഷ് ടി. സ്,Dr. റെജി തോമസ് , വൈസ് പ്രസിഡന്റ്‌ ഷൈജു എബ്രഹാം,ജോയിന്റ് ട്രഷറര്‍ ജോസഫ് കെ. ജെ, മീഡിയ കൺവീനർ ബിനു യേശുദാസ്,ചാരിറ്റി കൺവീനർ പ്രദീപ്‌ ഏരിയ കോർഡിനേറ്റർ മാരായ  ഹരികൃഷ്ണൻ,  അനിൽ കുറവിലങ്ങാട്,നിവാസ് ഹംസ, റോബിൻ തോമസ്, ജെയിംസ്,എക്സിക്യൂട്ടീവ് അംഗങ്ങൾ ആയ സിജോ കുര്യൻ സുജിത്ത്, ജിനു, വിപിൻ നായർ, ജിജുമോൻ, പ്രജിത് പ്രസാദ്, ജോബിൻ, ടിനു എന്നിവരുടെയും വനിതാ വേദി അംഗങ്ങളായ ബിൻസി, സവിത, വീണ, വിദ്യ, അനില, മീര, ലിബിയ, രജനി, നീതു, ലക്ഷ്മി, നിഷ, അശ്വനി, ലിയ, രശ്മി എന്നിവരുടെയും സാന്നിധ്യം പരിപാടിക്ക് മാറ്റ് കൂട്ടി.

റമദാൻ മാസത്തിന്റെ സാഹോദര്യവും പങ്കുവയ്ക്കലും പ്രകടമാക്കിക്കൊണ്ട് നടന്ന ഈ സംഗമത്തിന് കബ്ട് മേഖലയിലെ പ്രാദേശിക തൊഴിലാളികൾക്ക് ഭക്ഷണം വിതരണം ചെയ്തു. പരിപാടിയുടെ വിജയത്തിനായി അസോസിയേഷൻ ഭാരവാഹികളും അംഗങ്ങളും ഒരുമിച്ച് പ്രവർത്തിച്ചു.