കെന്റ് അയ്യപ്പ ക്ഷേത്രത്തിൽ ആറ്റുകാൽ പൊങ്കാല മാർച്ച് മൂന്നിന്

ലണ്ടൻ : യു കെയിലെ പ്രശസ്തമായ കെന്റ് അയ്യപ്പ ക്ഷേത്രത്തിൽ ഈ വർഷത്തെ ആറ്റുകാൽ പൊങ്കാല മഹോത്സവം മാർച്ച് മൂന്നിന് നടക്കും. കെന്റിലെ മെയ്ഡ്‌സ്റ്റോണിൽ വെച്ച് ചൊവ്വാഴ്ചയാണ് ചടങ്ങുകൾ ക്രമീകരിച്ചിരിക്കുന്നത്. രാവിലെ ഒൻപത് മണിക്ക് അഷ്ടദ്രവ്യ മഹാഗണപതി ഹോമത്തോടെ പൂജകൾക്ക് തുടക്കമാകും. തുടർന്ന് ദേവീ പൂജയും ലളിതാ സഹസ്രനാമ അർച്ചനയും ഭക്തിനിർഭരമായ അന്തരീക്ഷത്തിൽ നടക്കും.

രാവിലെ 9.45ന് പൊങ്കാല അടുപ്പുകളിലേക്ക് അഗ്നി പകരുന്നതോടെ പ്രധാന ചടങ്ങുകൾ ആരംഭിക്കും. ഉച്ചയ്ക്ക് 2.45ന് പൊങ്കാല നിവേദ്യത്തോടെയാകും ഈ വർഷത്തെ മഹോത്സവത്തിന് പരിസമാപ്തിയാകുക. വിശേഷാൽ പൂജകൾക്ക് ശ്രീ അഭിജിത്ത് തിരുമേനി, താഴൂർ മന ശ്രീ ഹരിനാരായണൻ നമ്പിടിശ്വരർ എന്നിവർ മുഖ്യകാർമികത്വം വഹിക്കും. വെള്ളിയോട്ടില്ലം ശ്രീ അദ്രിത് വാസുദേവ് സഹ കാർമികനായും ചടങ്ങുകളിൽ പങ്കുചേരും.

പൊങ്കാല സമർപ്പിക്കാൻ ആഗ്രഹിക്കുന്ന ഭക്തർ 2026 ഫെബ്രുവരി 20-ന് മുൻപായി താഴെ പറയുന്ന ലിങ്ക് വഴി പേര് രജിസ്റ്റർ ചെയ്യേണ്ടതാണ്: രജിസ്റ്റർ ചെയ്യാൻ ഇവിടെ ക്ലിക്ക് ചെയ്യുക . കെന്റ് അയ്യപ്പ ക്ഷേത്രത്തിന്റെ റോച്ചസ്റ്ററിലെ വിലാസത്തിലാണ് ഈ വർഷത്തെ പരിപാടികൾ നടക്കുന്നത്. കൂടുതൽ വിവരങ്ങൾക്കും രജിസ്‌ട്രേഷനുമായി 07838170203, 07985245890, 07507766652 തുടങ്ങിയ നമ്പറുകളിൽ ഭാരവാഹികളുമായി ബന്ധപ്പെടാവുന്നതാണ്.

English Summary

The Attukal Pongala festival will be held at Kent Ayyappa Temple on March 3, 2026, and devotees must register via the official link by February 20.