യുകെയിലെ സൗത്താംപ്ടണിൽ മലയാളി യുവാവ് അന്തരിച്ചു; വിടവാങ്ങിയത് മലപ്പുറം മോങ്ങം സ്വദേശി നബീൽ
യുകെ മലയാളി സമൂഹത്തെ ദുഃഖത്തിലാഴ്ത്തി സൗത്താംപ്ടണിൽ മലയാളി യുവാവ് അന്തരിച്ചു. മലപ്പുറം മോങ്ങം സ്വദേശി നബീൽ ആണ് വിടവാങ്ങിയത്. 37 വയസ്സായിരുന്നു.
ആരോഗ്യപ്രശ്നങ്ങളെ തുടർന്ന് ആശുപത്രിയിൽ ചികിത്സയിൽ കഴിയുന്നതിനിടെയായിരുന്നു അന്ത്യം. സെറിബ്രൽ വാസ്കുലിറ്റിസുമായി ബന്ധപ്പെട്ടുണ്ടായ സ്ട്രോക്കാണ് മരണകാരണമെന്നാണ് ലഭിക്കുന്ന വിവരം.
കഴിഞ്ഞ ഏതാനും വർഷങ്ങളായി നബീൽ സൗത്താംപ്ടണിൽ താമസിച്ച് ഐടി മേഖലയിൽ ജോലി ചെയ്ത് വരികയായിരുന്നു. ചേനാട്ട് കുഴിയിൽ മുഹമ്മദിന്റെയും ഫാത്തിമയുടെയും മകനാണ്.
ഭാര്യ റംഷീന. മക്കൾ റെഹാൻ, റെയ്ന. സഹോദരങ്ങൾ: ഹമീദ്, റഷീദ്, റഹൂഫ്, വഹീബ്, ബത്തൂല.
നബീലിന്റെ അപ്രതീക്ഷിത വിയോഗം കുടുംബാംഗങ്ങൾക്കും സുഹൃത്തുക്കൾക്കും സൗത്താംപ്ടണിലെ മലയാളി സമൂഹത്തിനും വലിയ ദുഃഖമായി. കുടുംബത്തിന്റെ ദുഃഖത്തിൽ UK Malayali News അനുശോചനം രേഖപ്പെടുത്തുന്നു.
