കെന്റ് അയ്യപ്പ ക്ഷേത്രത്തിൽ മിഥുനമാസ പൂജ ജൂൺ 20ന്
ലണ്ടൻ : ഇംഗ്ലണ്ടിലെ കെന്റ് അയ്യപ്പ ക്ഷേത്രത്തിൽ മിഥുനമാസ പൂജ 2026 ജൂൺ 20 ശനിയാഴ്ച ഭക്തിനിർഭരമായ ചടങ്ങുകളോടെ നടക്കും. അന്നേ ദിവസം രാവിലെ 8.30ന് ഗണപതി ഹോമത്തോടെ പൂജകൾക്ക് തുടക്കമാകും. വൈകുന്നേരം 6 മണി മുതൽ അഭിഷേകം, ധാര, ദീപാരാധന, വിളക്ക് പൂജ, ലളിത സഹസ്രനാമ അർച്ചന, ഭജന, നീരാഞ്ജനം, പടിപൂജ, ഹരിവരാസനം എന്നിവ നടത്തപ്പെടും.
വിളക്ക് പൂജയിൽ പങ്കെടുക്കുന്ന ഭക്തർ പൂജയ്ക്ക് ആവശ്യമായ പൂക്കളും ഒരു നിലവിളക്കും നീരാഞ്ജനത്തിനായി ഒരു നാളികേരവും കൊണ്ടുവരണമെന്ന് ക്ഷേത്ര ഭാരവാഹികൾ അറിയിച്ചു. പൂജകൾക്ക് ശ്രീ അഭിജിത്ത്, താഴൂർ മന ഹരിനാരായണൻ നമ്പിടിശ്വർ എന്നിവർ പ്രധാന കാർമികത്വം വഹിക്കും. വെള്ളിയോട്ടില്ലം ശ്രീ അദ്രിത് വാസുദേവ് സഹകാർമികത്വവും നിർവഹിക്കും.
കെന്റ് അയ്യപ്പ ക്ഷേത്രത്തിന്റെ വിലാസം: KENT AYYAPPA TEMPLE, 1 Northgate, Rochester ME1 1LS. കൂടുതൽ വിവരങ്ങൾക്ക് 07838170203, 07985245890, 07507766652, 07906130390, 07973 151975 എന്നീ നമ്പറുകളിൽ ബന്ധപ്പെടാം.
Mithunamasa pooja will be held at Kent Ayyappa Temple on Saturday, June 20, 2026.
