ബർമിംഗ്ഹാം ഷോപ്പിംഗ് സെന്ററിന് സമീപം യുവതിയെ ബലാത്സംഗം ചെയ്തതായി പരാതി; അന്വേഷണം ശക്തമാക്കി പോലീസ്

ലണ്ടൻ : ബർമിംഗ്ഹാമിലെ പ്രമുഖ ഷോപ്പിംഗ് സെന്ററിന് സമീപം യുവതി ലൈംഗിക അതിക്രമത്തിന് ഇരയായ സംഭവത്തിൽ പോലീസ് അന്വേഷണം ഊർജ്ജിതമാക്കി. യാർഡ്‌ലിയിലെ ചർച്ച് റോഡിൽ കഴിഞ്ഞ ശനിയാഴ്ച ഉച്ചയ്ക്ക് മൂന്ന് മണിയോടെയാണ് തനിക്കെതിരെ അതിക്രമം നടന്നതെന്ന് യുവതി വെസ്റ്റ് മിഡ്‌ലാൻഡ്‌സ് പോലീസിൽ പരാതി നൽകിയത്. സംഭവത്തിന് പിന്നാലെ സ്വാൻ ഷോപ്പിംഗ് സെന്ററിന് സമീപമുള്ള അണ്ടർപാസ് പോലീസ് പൂർണ്ണമായും അടച്ചുപൂട്ടി വിശദമായ പരിശോധന ആരംഭിച്ചു.

തിങ്കളാഴ്ചയോടെ പ്രദേശം പൂർണ്ണമായി കോർഡൺ ചെയ്ത പോലീസ് പൊതുജനങ്ങൾക്കുള്ള പ്രവേശനം തടഞ്ഞു. സംഭവസ്ഥലത്ത് ഫോറൻസിക് വിദഗ്ധരുടെ നേതൃത്വത്തിലുള്ള പരിശോധനകൾ പുരോഗമിക്കുകയാണ്. ഇതിന് പുറമെ പ്രതിയെ തിരിച്ചറിയുന്നതിനായി സമീപപ്രദേശങ്ങളിലെ സിസിടിവി ദൃശ്യങ്ങളും പോലീസ് ശേഖരിച്ച് പരിശോധിച്ചുവരുന്നു. അന്വേഷണത്തിന്റെ ഭാഗമായി കൂടുതൽ ശക്തമായ തെളിവുകൾ കണ്ടെത്താനുള്ള ശ്രമങ്ങൾ തുടരുകയാണെന്ന് പോലീസ് ഉദ്യോഗസ്ഥർ വ്യക്തമാക്കി.

പരാതി നൽകിയ യുവതിക്ക് മാനസിക പിന്തുണ ഉറപ്പാക്കാൻ പ്രത്യേക പരിശീലനം ലഭിച്ച ഉദ്യോഗസ്ഥരെ നിയോഗിച്ചിട്ടുണ്ടെന്ന് വെസ്റ്റ് മിഡ്‌ലാൻഡ്‌സ് പോലീസ് അറിയിച്ചു. സംഭവവുമായി ബന്ധപ്പെട്ട് എന്തെങ്കിലും തരത്തിലുള്ള വിവരങ്ങൾ ലഭിക്കുന്നവർ അടിയന്തരമായി പോലീസുമായി ബന്ധപ്പെടണമെന്ന് അഭ്യർത്ഥിച്ചിട്ടുണ്ട്. കൂടുതൽ വിവരങ്ങൾ കൈമാറാൻ താല്പര്യമുള്ളവർ ജൂലൈ 5ലെ 4989 എന്ന സംഭവ നമ്പർ ഉദ്ധരിച്ച് 101 എന്ന നമ്പറിൽ ബന്ധപ്പെടേണ്ടതാണ്.

Police have launched an investigation after a woman reported being raped near the Swan Shopping Centre in Yardley, Birmingham.