മുൻ ബ്രിട്ടീഷ് മന്ത്രി ആൻ വിഡ്ഡികോംബ് മരിച്ച നിലയിൽ; യുവാവ് കൊലപാതക സംശയത്തിൽ അറസ്റ്റിൽ

ലണ്ടൻ : മുൻ കൺസർവേറ്റീവ് മന്ത്രിയും റിഫോം യുകെ അംഗവുമായ ആൻ വിഡ്ഡികോംബിനെ ഡെവോണിലെ വസതിയിൽ മരിച്ച നിലയിൽ കണ്ടെത്തി. ഗുരുതരമായ പരിക്കുകളോടെയാണ് 78-കാരിയായ വിഡ്ഡികോംബിന്റെ മൃതദേഹം വ്യാഴാഴ്ച കണ്ടെത്തിയതെന്ന് പൊലീസ് അറിയിച്ചു. സംഭവവുമായി ബന്ധപ്പെട്ട് 26 വയസ്സുകാരനായ യുവാവിനെ കൊലപാതക സംശയത്തിൽ അറസ്റ്റ് ചെയ്തിട്ടുണ്ട്.

1987 മുതൽ 2010 വരെ 23 വർഷം പാർലമെന്റ് അംഗമായിരുന്ന അവർ ജോൺ മേജർ സർക്കാരിൽ വിവിധ മന്ത്രിസ്ഥാനങ്ങൾ വഹിച്ചിട്ടുണ്ട്. പാർലമെന്റിൽനിന്ന് വിരമിച്ച ശേഷം 2019-ൽ ബ്രെക്‌സിറ്റ് പാർട്ടിയിൽ ചേർന്ന അവർ പിന്നീട് റിഫോം യുകെയുടെ ഭാഗമായി രാഷ്ട്രീയ പ്രവർത്തനം തുടർന്നു.

രാഷ്ട്രീയ ജീവിതത്തിന് പുറമെ ബ്രിട്ടീഷ് ടെലിവിഷൻ രംഗത്തും വിഡ്ഡികോംബ് വലിയ ജനശ്രദ്ധ നേടി. സ്ട്രിക്ട്ലി കം ഡാൻസിങ്, സെലിബ്രിറ്റി ബിഗ് ബ്രദർ, ഹാവ് ഐ ഗോട്ട് ന്യൂസ് ഫോർ യൂ തുടങ്ങിയ പരിപാടികളിൽ അവർ പങ്കെടുത്തു. വിഡ്ഡികോംബിന്റെ മരണത്തിൽ രാഷ്ട്രീയ, മാധ്യമ രംഗങ്ങളിലെ നിരവധി പ്രമുഖർ അനുശോചനം രേഖപ്പെടുത്തി.

English Summary: Former British minister Ann Widdecombe has been found dead at her Devon home, with a 26-year-old man arrested on suspicion of murder.