യുകെയിൽ അഞ്ചാം heatwave ഭീഷണി; താപനില 36°C വരെ ഉയരാം, വരൾച്ചയും കാട്ടുതീ അപകടവും ശക്തം

ലണ്ടൻ : യുകെയിൽ ഈ വേനലിലെ അഞ്ചാമത്തെ heatwave രൂപപ്പെടുന്നതിനിടെ താപനില 36°C വരെ ഉയരാമെന്ന് കാലാവസ്ഥാ മുന്നറിയിപ്പ്. ഈ വർഷം ഇതുവരെ രാജ്യത്തിന്റെ ഏതെങ്കിലും ഭാഗത്ത് 30°C കവിഞ്ഞ താപനില രേഖപ്പെടുത്തിയ ദിവസങ്ങളുടെ എണ്ണം 33 ആയി. 1995-ൽ രേഖപ്പെടുത്തിയ 34 ദിവസത്തെ റെക്കോർഡിനോട് ഇനി ഒരു ദിവസം മാത്രം പിന്നിലാണ് നിലവിലെ സ്ഥിതി. ഞായറാഴ്ച തെക്കൻ ഇംഗ്ലണ്ടിൽ 33°C വരെ ഉയരാനും, ചൊവ്വ മുതൽ വ്യാഴം വരെ ചൂട് കൂടുതൽ ശക്തമാകാനും സാധ്യതയുണ്ടെന്ന് Met Office അറിയിച്ചു. പ്രത്യേകിച്ച് East Anglia, South East England മേഖലകളിലാണ് ഏറ്റവും ഉയർന്ന താപനില പ്രതീക്ഷിക്കുന്നത്.

ഈ വേനൽക്കാലത്തെ അത്യന്തം ചൂടും മഴക്കുറവും യുകെയുടെ കാലാവസ്ഥയിൽ നടക്കുന്ന “ചരിത്രപരവും ഇതുവരെ കണ്ടിട്ടില്ലാത്തതുമായ മാറ്റത്തിന്റെ” ഭാഗമാണെന്നാണ് വിലയിരുത്തൽ. മേയ്, ജൂൺ മാസങ്ങളിൽ യുകെയുടെ മാസതാപനില റെക്കോർഡുകൾ തകർന്നപ്പോൾ ജൂലൈ ചരിത്രത്തിലെ ഏറ്റവും വരണ്ട മാസമായി. റെക്കോർഡ് കുറഞ്ഞ മഴയെ തുടർന്ന് മുഴുവൻ Wales-ഉം England-ന്റെ പകുതിയിലധികം പ്രദേശങ്ങളും drought നിലയിലാണെന്ന് അധികൃതർ അറിയിച്ചു. UK Health Security Agency ചൂട് മൂലമുള്ള മരണസംഖ്യ ചരിത്രത്തിലെ ഏറ്റവും ഉയർന്ന നിലയിലെത്താമെന്ന് മുന്നറിയിപ്പ് നൽകിയിട്ടുണ്ട്. Yellow heat-health alerts ചൊവ്വാഴ്ച രാത്രി 9 വരെ നിലവിലുണ്ട്.

അതേസമയം കനത്ത ചൂടിനൊപ്പം കാട്ടുതീ ഭീഷണിയും ഉയരുകയാണ്. East, South East England മേഖലകളിൽ ഉണ്ടാകുന്ന wildfire അതീവ ഗുരുതരമാകാമെന്ന് Fire Severity Index മുന്നറിയിപ്പ് നൽകി. ചൂടുകാലത്ത് ibuprofen, naproxen എന്നിവ ഉൾപ്പെടെയുള്ള ചില മരുന്നുകൾ ഉപയോഗിക്കുന്നവർ പ്രത്യേകം ശ്രദ്ധിക്കണമെന്നും ആരോഗ്യ വിദഗ്ധർ അറിയിച്ചു. ഇത്തരം മരുന്നുകൾ ശരീരത്തിലെ ജലനില നിലനിർത്തുന്നതിലും താപനില നിയന്ത്രിക്കുന്നതിലും പ്രശ്നമുണ്ടാക്കാനും സൂര്യപ്രകാശത്തോടുള്ള sensitivity വർധിപ്പിക്കാനും സാധ്യതയുണ്ടെന്നാണ് മുന്നറിയിപ്പ്.

English summary: The UK is bracing for a fifth summer heatwave, with temperatures potentially reaching 36°C amid drought, health risks and severe wildfire danger.