ലണ്ടനിലെ കോവന്റ് ഗാർഡനിൽ നാല് പേർക്ക് കുത്തേറ്റു; 47കാരി അറസ്റ്റിൽ

ലണ്ടൻ : സെൻട്രൽ ലണ്ടനിലെ കോവന്റ് ഗാർഡനിൽ നാല് പുരുഷന്മാർക്ക് കുത്തേറ്റ സംഭവത്തിൽ 47 വയസ്സുള്ള സ്ത്രീയെ മെട്രോപൊളിറ്റൻ പൊലീസ് അറസ്റ്റ് ചെയ്തു. എൻഡൽ സ്ട്രീറ്റിൽ ഉച്ചയോടെയുണ്ടായ സംഭവത്തിൽ 34, 39, 42, 52 വയസ്സുള്ളവർക്കാണ് പരിക്കേറ്റത്. നാല് പേരെയും സംഭവസ്ഥലത്ത് പ്രാഥമിക ചികിത്സ നൽകിയ ശേഷം ഗുരുതര പരിക്കുകൾ കൈകാര്യം ചെയ്യുന്ന ആശുപത്രിയിലേക്ക് മാറ്റി.

പരിക്കേറ്റവരിൽ രണ്ടുപേരുടെ നില ജീവന് ഭീഷണിയുള്ളതല്ലെന്നും മറ്റുള്ള രണ്ടുപേരെ ആശുപത്രിയിൽ നിന്ന് ഡിസ്ചാർജ് ചെയ്തതായും പൊലീസ് അറിയിച്ചു. കത്തിക്ക് പകരം കത്രികയെന്നാണ് കരുതുന്ന ആയുധം കൈവശം വച്ചതിനും ആക്രമണം നടത്തിയതിനുമുള്ള സംശയത്തിലാണ് സ്ത്രീയെ അറസ്റ്റ് ചെയ്തത്. സംഭവം ഒറ്റപ്പെട്ടതും മാനസികാരോഗ്യ പ്രശ്നങ്ങളുമായി ബന്ധപ്പെട്ടതുമായിരിക്കാമെന്നാണ് പ്രാഥമിക നിഗമനമെന്ന് പൊലീസ് വ്യക്തമാക്കി.

ഷാഫ്റ്റ്സ്ബറി തിയേറ്ററിന് സമീപമാണ് ആക്രമണം ആരംഭിച്ചതെന്നും തുടർന്ന് പ്രതി എൻഡൽ സ്ട്രീറ്റിലൂടെ നീങ്ങിയതായും ദൃക്സാക്ഷികൾ പറഞ്ഞു. ആക്രമണത്തിൽ നിന്ന് രക്ഷപ്പെട്ട ഒരാൾ സമീപത്തെ ബാർബർ ഷോപ്പിലേക്ക് ഓടിക്കയറിയതായും റിപ്പോർട്ടുണ്ട്. പൊലീസ് മിനിറ്റുകൾക്കുള്ളിൽ സ്ഥലത്തെത്തി പ്രതിയെ കസ്റ്റഡിയിലെടുത്തു. തെളിവെടുപ്പ് തുടരുന്നതിനാൽ പ്രദേശത്ത് അധിക പൊലീസ് സാന്നിധ്യം നിലനിർത്തിയെങ്കിലും പിന്നീട് സ്ഥിതി സാധാരണ നിലയിലായി.

English summary: A 47-year-old woman was arrested after four men were stabbed in London’s Covent Garden.