ബെൽഫാസ്റ്റിനെ നടുക്കിയ വംശീയ കലാപം; കുടിയേറ്റ കുടുംബങ്ങളെ ലക്ഷ്യമിട്ട ആക്രമണത്തിന്റെ കൂടുതൽ വിവരങ്ങൾ പുറത്ത്

ലണ്ടൻ : വടക്കൻ അയർലണ്ടിലെ ബെൽഫാസ്റ്റിൽ ജൂൺ 8-ന് നടന്ന കത്തി ആക്രമണത്തിന് പിന്നാലെ കുടിയേറ്റക്കാരെ ലക്ഷ്യമിട്ട വംശീയ കലാപം പൊട്ടിപ്പുറപ്പെട്ടതിന്റെ കൂടുതൽ വിവരങ്ങൾ പുറത്തുവന്നു. കിന്നെയർഡ് അവന്യൂവിൽ നടന്ന ആക്രമണത്തിന്റെ വീഡിയോ സോഷ്യൽ മീഡിയയിൽ വ്യാപകമായി പ്രചരിച്ചതോടെയാണ് സംഘർഷം ശക്തമായത്. പ്രതി കറുത്ത വർഗക്കാരനാണെന്ന വിവരം മുൻനിർത്തി തീവ്രവലതുപക്ഷ അക്കൗണ്ടുകളിലും ചില loyalist ഗ്രൂപ്പുകളിലും കുടിയേറ്റവിരുദ്ധ സന്ദേശങ്ങൾ പടർന്നു. തുടർന്ന് ബെൽഫാസ്റ്റ് ഉൾപ്പെടെ വടക്കൻ അയർലണ്ടിലെ 25 ഇടങ്ങളിൽ ആളുകൾ ഒത്തുകൂടണമെന്ന ആഹ്വാനം സമൂഹമാധ്യമങ്ങളിൽ പ്രചരിക്കുകയും, രാത്രി വിവിധ മേഖലകളിൽ സംഘടിത ആക്രമണങ്ങൾ ആരംഭിക്കുകയും ചെയ്തു.

റൊമാനിയ, യുക്രൈൻ, പോളണ്ട്, സുഡാൻ, എത്യോപ്യ, നൈജീരിയ തുടങ്ങിയ രാജ്യങ്ങളിൽ നിന്നുള്ള കുടുംബങ്ങളെയാണ് പ്രധാനമായും ലക്ഷ്യമിട്ടത്. വീടുകളുടെ ജനലുകൾ തകർക്കുകയും പടക്കങ്ങളും ഇന്ധനവും ഉപയോഗിച്ച് തീകൊളുത്തുകയും വാഹനങ്ങളും പൊതുഗതാഗത ബസുകളും കത്തിക്കുകയും ചെയ്തു. ചില പ്രദേശങ്ങളിൽ റോഡുകൾ തടഞ്ഞ് വിദേശികളാണെന്ന് സംശയിക്കുന്നവരെ ചോദ്യം ചെയ്യുകയും ഭീഷണിപ്പെടുത്തുകയും ചെയ്തതായി റിപ്പോർട്ടുണ്ട്. ആക്രമണം നടക്കുമെന്ന മുന്നറിയിപ്പിനെ തുടർന്ന് നിരവധി കുടുംബങ്ങൾ നേരത്തേ വീടുവിട്ടുപോയി. ചില സ്ഥലങ്ങളിൽ പൊലീസ് സാന്നിധ്യം പരിമിതമായിരുന്നതിനാൽ കമ്മ്യൂണിറ്റി പ്രവർത്തകരാണ് കുടുംബങ്ങളെ സുരക്ഷിത സ്ഥലങ്ങളിലേക്ക് മാറ്റിയത്. കലാപകാരികളിൽ പലരും മുഖം മറയ്ക്കുകയും മൊബൈൽ ഫോൺ ഉപയോഗിക്കരുതെന്നും CCTV, doorbell camera എന്നിവ ഒഴിവാക്കണമെന്നും നിർദേശം നൽകിയിരുന്നതായും റിപ്പോർട്ടിൽ പറയുന്നു.

വടക്കൻ അയർലണ്ടിൽ തുടർച്ചയായ മൂന്നാം വേനൽക്കാലമാണ് കുടിയേറ്റവിരുദ്ധ അക്രമം റിപ്പോർട്ട് ചെയ്യപ്പെടുന്നത്. 2024-ലെ ബെൽഫാസ്റ്റ് കലാപവും 2025-ലെ Ballymena സംഘർഷവും കഴിഞ്ഞാണ് ഇത്തവണത്തെ അക്രമം. മാർച്ച് 31 വരെ ഒരു വർഷത്തിനിടെ 2,367 race incidents-ഉം 1,507 race crimes-ഉം പൊലീസ് രേഖപ്പെടുത്തിയതായി കണക്കുകൾ വ്യക്തമാക്കുന്നു. Loyalist paramilitary ഗ്രൂപ്പുകളുടെ ചില വിഭാഗങ്ങൾക്ക് കലാപത്തിൽ പങ്കുണ്ടായിരുന്നുവെന്ന ആരോപണവും ഉയരുന്നുണ്ട്. സോഷ്യൽ മീഡിയയിലൂടെ കുടിയേറ്റവിരുദ്ധ പ്രചാരണം ശക്തമായതും വിദേശികളുള്ള വീടുകളുടെ വിവരങ്ങൾ പങ്കുവച്ചതും സാഹചര്യം രൂക്ഷമാക്കിയതായി നിരീക്ഷകർ പറയുന്നു. ആക്രമണത്തിന് പിന്നാലെ race equality, hate crime നിയമങ്ങൾ ശക്തമാക്കണമെന്നും Westminster ഇടപെടണമെന്നും മനുഷ്യാവകാശ സംഘടനകൾ ആവശ്യപ്പെട്ടു.

English summary: Belfast’s June unrest saw organised racist attacks on migrant families, homes and vehicles amid growing far-right and loyalist mobilisation.